Sponserd Ads
كتابة CV بطريقة محترفة
ازاى تكتب cv بطريقه احترافيه من البدايه ! خطوه بخطوه .
- نفسك تكتب CV سيرتك الذاتية ومش عارف تبدا ازى ؟
- مش عارف حجم الخط المفروض يكون كام والتنسيق والالوان؟
- مجربتش تكتب CV او resume قبل كده ومش عندك خبره !
- عندك انترفيو قريب ولسه مجهزتش ال cv بتاعك ومش عارف تعمل ايه ؟
- لسه طالب فى الجامعه, ومش عارف تكتب ايه فى ال CV ؟
Sponserd Ads
لو اجابتك كانت ” نعم ” على اى سؤال من الاسئله اللى فوق دى , يبقى المقاله دى ليك .
احب اطمنك انى كنت فى مكانك فى يوم من الايام ومكنش عندى اى خبره فى موضوع كتابه ال CV او Resume. وبالمناسبه المصطلح الصح هو ” Resume ” بس عشان الثقافه المنتشره عندنا CV فخلينا نكمل المقال باى مصطلح منهم.
وكنت فاكر انه عشان اكتب CV محترف دى حاجه صعبه جدا, بس كل ده اتغير لما عرفت موقع “Kickresume” بمثابه كنز اللى هنتكلم عنه فى المقاله النهارده
معنى الجمله , ان مستخدمين موقع ” Kickresume ” بيتوظفو فى اكبر شركات العالم , كن واحد منهم ” !
وكان من الشركات دى ” Amazon – P&G – PayPal – Addidas _ Apple ” وغيرهم كتير .
يعنى حرفيا موقع زى ده هيوفر عليك طريق طويل وهتعمل من خلاله CV او Resume محترف وكانك حد شغال فى ” Amazon” مثلا !
يلا نبدا فى الخطوات على طول عشان وقتكم غالى عندنا جدا .
\
طب لو انا عايز شكل CV ينفع ليا لو انا ” محاسب ” مثلا او ” مسوق ” او ” مصمم ” الخ
زى ما فى الصوره كده اختار فى البحث الشكل اللى هيناسب وظيفتك.
زى ما فى الصوره كده اختار الشكل اللى مكتوب عليه كلمه ” Free ” و اختاره وابدا اكتب بشكل احترافى.
* ركز جدا على ال “Personal Branding Statement ” بتاعتك . بمعنى , انت بتعرف تعمل ايه؟ ايه مهاراتك ومميزاتك؟
وده كورس مجانا على اليوتيوب هيساعدك فى الموضوع ده : لينك الكورس
* ركز جدا على ال “Self Study ” او التعلم الذاتى . دلوقتى كل اصحاب الشركات بيدورا على الشباب اللى بتقدر تتعلم لوحدها , اسمهم ” Self Learner “. لانها بتثبت انك شخص بيعرف يستخدم النت صح وبيقدر يتعلم لوحده + ان التعلم الذاتى تقدر تتعلم من خلاله اى مجال عملى السوق محتاجه دلوقتى وتسبق كل صحابك. ف لو معاك اى شهادات او كورسات خلصتها اونلاين اكتبها.
لو عايز تبدا تدرس اونلاين من خلال القسم ده ” دليلك للتعلم الذاتى ”
* ركز بردو على الانشطه التطوعيه اللى عملتها فى حياتك. ولو لسه ماتطوعتش يبقى بعد ما تقرا المقاله دى دور على اى نشاط طلابى وتطوع فيه . طب ليه ؟ لان التطوع غير انه هيكسبك خبره ومهارات كتييير , فهو بردو هيعرف صاحب الشركه انك تقدر تشتغل تحت ضغط حتى لو من غير فلوس .
* اكتب اى انجاز حققته فى سنين الجامعه, سواء تنظيم ايفنت , او تكريم معين من الجامعه , او اى انجاز صغير عملته .
لو انت عايز تشوف فيديو بيشرح الموقع كله خطوه بخطوه شوف الفيديو ده
و بكده اقولك مبروك بقى عندك CV سيرة ذاتية محترف تقدر تقدم بيه فى اى شركه بقلب جامد .