كيف تحفظ ١٠٠ كلمة انجليزي جديدة خلال اسبوع من غير ماتنساهم

لو انت من الناس اللي بتنسي الكلمات الجديده اللي بتحفظها بسررعه ف ركز كووويس اووي في الكلام  دا

حفظ الكلمات مش الصعوبه الكبيره لكن الصعوبه في انك تفتكر الكلمات اللي حفظتها وقت ماتيجي تتكلم وعلشان كدا هنقدملك شويه Tips هتساعدك انك تفتكر وتحفظ الكلمات بسهوله جداا

1) متحفظش كلمه احفظ جُمله كامله فيها الكلمه

مثال متحفظش مثلا كلمه زي exhausted  معاناها تعبان جداااااا … متحفظهاش كدا احفظها في جمله زي

I’m exhausted

2) اعمل زي ما شرين بتغني وبتقول ” مشااااااعر مشااااااااااااااااااااااعر ” واغنيه بيبي شااااارك دودودودوددد

دخل الكلمه عندك بمشاعرها

=ازاي طيب يا عم برين ؟

– خلينا في نفس الكلمه exhausted

اللي معناها تعبان ومليش مزاج وغير سعيد اتجاه اني اعمل حاجه معينه لما تيجي تحفظها في جمله انطق الجمله بمشاعرها بمعني قول

I’m exhausted دودووودددووو

وانت بتقولها كرر الجمله كذا مرره .. الكلمه هتثبت 5 اضعاف ماتكررها كدا!

3) انسي وشوفلك كلمه

لما تيجي تعرف كلمه جديده اكيد هتلاقي ليها معني عندك قديم انت حافظه من ايام ميس انتصاااااااااار رضي الله عنها  بتاع الابتدائي االله يخربيتها …

مثلا ميس انتصار حفظتك ان finish يعني بينهي حاجه .. لكن لما تيجي حضرتك تتعرض لكلمه جديده زي get through وتعرف ان معناها ينهي برضه حاجه … متجيش بعد كدا تستخدم finish برده !!!

4) ازاي تقدر تحفظ 50 كلمه ب 3 جنيه!

تعرف ال Sticky Notes ؟ البتاع الملون دا هتلاقيه ف المكتبات فيه حوالي 50 واحده ب10 ج ولو جبت الوانات مختلفه هتبقا بحوالي 15 ج فيهم حوالي 100 – 150 ورقه

= حلو جبتها ودفعتني ال 10 ج هعمل ايه بقا ؟

– بسيطه جداا هتروح اوضتك وتبص كدا ع المكتب وتقول ايه دا هوا ممكتب يعني ايه بالانجليزي؟ .. تروح باحث في اي قاموس ( مفيش اكتر منهم ) وتكتب معني مكتب علي ال sticky note وتروح لازقها علي المكتب … وهكذا هتلف البيت كله اي حاجه مش عارف معناها تروح باحث عن المعني وتكتبه علي ال sticky note وتلزقها عليه وطول الشهر كل لما تعدي هتشوف الكلمات فهتحفظها وهتحفظ البيت كله

5) خليك Visual ياراااجل حرام عليك بقا يااخي ليه كدا

انت حفظت الكلمه في جمله و بمشاعر بعد كدا اتخيل معناها اتخيل الشكل نفسه .. لو جبت واد ف ابتدائي وقلناله قطه يعني cat استحاله يحفظها كدا من غير مايتخيل شكل القطه ودي اههي اسمها cat!

6) اخر خطوه اقرأها وبطل كسل

هتنزل App علي موبيلك اسمه Ankidroid

للتحميل من هنا

هتدخل فيه الكلمات الجديده اللي عرفتها بشكل يومي وهوا كل يوم هيعرضهالك عشوائي ويقولك ها قولي بقا معاني الكلمات دي اللي انت دخلتها في ال App