1. النجاح في الحياة مش انك تشتغل 24 ساعة على حلمك..ولكن انك توازن بين الشغل والراحة..لان وقت الراحة هو أروع وقت هتنتج فيه أفكار وابداعات هتوصلك بسرعة.

3. سرعة زوال المشاعر الإيجابية اكبر بمراحل من سرعة زوال المشاعر السلبية. يعني لحظات الفرح والانتصار بتخلص بسرعة جدا. الخلاصة: لا تربط سعادتك بلحظة تحقق الحلم..لأنها لحظة سريعة جدا ولكن اربط سعادتك بكل لحظة بتعيشها دلوقتي.

4. إذا كنت أفضل واحد في شلتك. غير الشلة أو ضيف عليها شلة جديدة اقوى واكتر ايجابية.

5. فشلك عمره ما يقدر يسجنك لأنه ماعندوش أي دليل ضدك…خوفك منه هو دليله الوحيد!

6. الأصل هو انك تكون مبسوط وسعيد ومستمتع طول يومك..كونك تعيس مكتئب حزين…يبقى انت لسة مافهمتش الحياة المفروض تتعاش ازاي.

7. الناقدين والكارهين هما ناس نفسهم يكونوا زيك بس مش عارفين .. فبدلا ما يطوروا نفسهم..بيطلعوا طاقتهم في محاربتك. اشفق عليهم وسامحهم..هي مشكلتهم مش مشكلتك.

8. كل ما هتحقق حلم…هتطمح لاضعافه…الأصل في رغباتك الإتساع والإزدياد…وده يخليك لا تتعلق بحلم او هدف معين…ولكن تعلق بالرسالة والرحلة والنية الخالصة لله.

9. مش محتاج تبالغ في التعبير وتقول اتغيرت 360 درجة..لان ده معناه انك لم تتغير اصلا. دايما المبالغة في أي شيء مالهاش معنى.

10. طالما صحيت من النوم النهاردة..يبقى لسة ربنا عايزك تعمل شيء مفيد لنفسك وغيرك وآخرتك. استغل يومك واطحنه صح. لو ما فيش أمل فيك وما لكش لزمة..ماكانش رد لك روحك تاني.

11. نادرا ما هتلاقي حد عنده حرقة الحلم اللي عندك..اختر شركاء حلمك بعناية. لو مش بيولع قدامك من الحماس..إكس عليه.

12. اتعب اتعب…تلعب تلعب.
13. كل ما هتكون صعب على نفسك .. الحياة هتكون سهلة عليك .. وكل ما هتكون سهل على نفسك .. الحياة هتكون صعبة عليك.

14. مش معنى ان شخص سلك طريق ونجح فيه انك تسلك نفس الطريق عشان تنجح زيه..دور على طريقك..طريقك زي بصمة صباعك..فريد لم ولن يتكرر.

15. خليك عاقل ومتزن في كل شيء في حياتك…إلا تطوير نفسك…خليك مجنون وجعان وذو شراهة مخيفة للعلم…وستحصل على عشر أضعاف مجهودك ووقتك وفلوسك.