ازاى احضر ماجيسير

 هو ايه الماجستير ده ؟
 دى شهادة عليا بتمهدك تعمل دكتوراه فى مجال معين ، بس قبل ما تعد رسالة الماجستير لازم تاخد سنة تمهيدى ماجستير .

هل ليها شروط السنة التمهيدى ؟

 طبعا ليها شروط وبتختلف من كل قسم لقسم اللى هما (محاسبة – ادارة – تأمين ) .

طب فى اساسيات للقبول ؟

طبعا فيه زى ان اولا عشان تقدم لازم يكون تقديرك فى شهادة البكالوريس جيد عالاقل من كلية حكومية او تعليم مفتوح او معهد خاص او تكون حصلت على دبلومة من كلية تجارة القاهرة بتقدير جيد جدا عالاقل ، ثانيا شهادة تويفل بدرجة لا تقل عن 500 درجة ، لكن لو انت خريج تجارة انجليزى او معهد او اكاديمية والدراسة بالانجليزى مش لازم تويفل .

 طب التويفل ده نجيبه منين ؟

 يوجد مركزين لازم يكون منهم هما مركز اللغات والترجمة بكلية الاداب جامعة القاهرة او مركز الايمدست .
طب انا معايا دبلومة من كلية ثانية غير القاهرة ؟
لا يعترف بيها فى تجارة القاهرة حتى لو تقديرك فيها امتياز .

طب انا دلوقت خريج كلية غير تجارة اعمل ايه ؟

 لو تقديرك جيد من حقك تقدم تمهيدى بس هيكون قسم ادارة ولكن هيتم فرض مواد تكميلية الاول وتدرسها وتكلفتهم 3000 جنية .
 طب انا خريج تجارة قسم ادارة اعمال ينفع اقدم فى قسم المحاسبة ؟
لا طبعا خريج تجارة قسم ادارة اعمال او تأمين مش من حقة يقدم فى قسم محاسبة ولكن العكس صحيح ، اى خريج قسم محاسبة يقدم زى ماهو عايز فى قسم ادارة او تأمين .

 

 

 

ازاى احضر ماجيسير
ازاى احضر ماجيسير

 طب انا معايا تويفل وتقديرى زى ما قولت جيد بكالوريس او جيد جدا دبلومة وبعدين بقية الاوراق ايه ؟

الاوراق المطلوبة :

 اصل المؤهل
 اصل شهادة الميلاد
عدد 4 صور شخصية
Related Posts
صورة بطاقة شخصية
صورة طبق الاصل من موقف التجنيد مختومة من جهة العمل أو الاصل للطلاع
 شهادة تويفل 500 درجة ( لخريجين العربى ) من كلية الاداب جامعة القاهرة أو الايمدست بالدقى
– فى حالة رغبة طالب عربى للدراسة باللغة الانجليزية يجب أن تكون درجة التويفل 580 درجة من مركز الايمدست فقط .
– تقديم ملف : ( 400 جنية )
– يجب على الطالب إجتياز امتحان قبول ( تحريرى ) وبعد اجتيازه يجب ان يجتاز امتحان ( شفوى ) وبعد اجتيازه يقوم بالتسجيل فى التمهيدى
– يقوم الطالب بدراسة 8 مواد على ترمين ( بحد اقصى 4 مواد فى الترم )

طب كام المصروفات ؟

– مصروفات السنة التمهيدية :

1410 رسوم إدارية – قيمة المقرر باللغة العربية 450 جنية – قيمة المقرر باللغة الانجليزية 750 جنية
 طب ايه مواعيد التقديم ؟
– التقديم فى ( شهر ديسمبر – شهر اغسطس ) من كل عام
– المحاضرات فترة صباحية ونسبة الحضور لا تقل عن 75% ( شرط التفرغ )
 طب ممكن نبذه عن الامتحان التحريرى والشفوى ؟
الامتحان التحريرى غالبا بيكون فى المقالات اللى نزلت فى مكتبة الكلية بالاضافة لمعلوماتك فى مواد البكالوريس زى المحاسبة المالية والمراجعة والتكاليف وطبعا لما بينزل مواعيد الاختبار بيتحدد فيها المادة العلمية منين ، وبعد الامتحان التحريرى فيه الشفوى ده بيعتمد على فهمك للمقالات وثقتك بنفسك وهدوءك ولباقتك و ممكن تتسأل مثلا فى جزئية فى المقالة بتتكلم عن كذا هى موجودة فين او مثلا صفحة كذا فيها قطعة بتتكلم عن ايه ؟ وطبعا انت وحظك فى السؤال ، اهم حاجة دعاء الوالدين هنا ودعاء المصريين معاك وامة لا اله الا الله ياريت تدعيلك وتدعيلى معاك .
طب الحمد لله عديت ودخلت السنة التمهيدى وبعدين اعمل ايه ؟
هينزل جدول محاضرات 4 مقررات ترم اول و 4 مقررات ترم ثانى وطبعا لازم تجيب جيد عشان تسجل رسالة الماجستير .
 هو لازم التفرغ عشان ادرس التمهيدى ده ؟
الافضل ليك لو قبلت التفرغ بس لو هتقدر تظبط مواعيد شغلك يبقى تمام لان جدول المحاضرات فيه صباحى ومسائى وكل دكتور ليه نظامه فى الحضور والغياب ده غير الشغل اللى بيتطلب منك من ابحاث وعرض وترجمة بقى ومذاكرة لان فيه امتحان اعمال سنة وفاينل اخر الترم يا زميلى هتتفرم يعنى هتتفرم الموضوع مفيهوش هزار ولا دلع انا بقولك اهو قبل ما تعمل الكلام ده فى نفسك .
المدة قد ايه ؟
كدة 1 سنة تمهيدى و 2 سنة لاعداد الرسالة = 3 سنوات